:|: شكشوكه .. شغل ايديـا وحيـاة عنيــا :|:

Profil de B3eedҳ̸̸ҳ•.•[ B 3 E E D . A L...PhotosBlogListes

Outils

Aide

< Précédente Suivante >

19 juin

:|: شكشوكه .. شغل ايديـا وحيـاة عنيــا :|:

هــلا وغـــلا

الحيـن الواحـد يحس له كيان خاص فتح موقع لحاله يحط فيه

كل ما لذ وطاب

<< لا تكثر القرقره

في البـدايـة حبيت اشـكر زواري

رغـم قلتهم الا ان فيهم الخير والبركه

اشكرهم على وجودهم وتواصلهم الدائم معـي

والله لا يخليـنا

خل ادخل في الموضوع احسـن

<< طق الباب قبـل

تعـرفـون هالايـام اجـازه

مير ذكرتوني يبيلي بلـوق خاص عشاني نجحت

عديت اول مستوى وهـ

ياهـي غثاء ذا الجامعـه

ماعليـــنا

...

خبــركم ذا الايــام اجــازهـ

الصيف قرب والسفر حان طاريه

ويازينك يالريـاض

وتعرفـون ان اوقــات النــوم تختلف

اللي يعسبهـا اليـن الظهـر ويخمـد الين تالي الليـل

واللي مؤدب وش حليله وينوم الساعة 10 ( الظاهر ما بعد فكت برمجة المدارس ) خخ

واللي ينوم وحـده الليل واللي ينوم الصبـح مثل حالتي

بس وش المشكلة

الجــوع قتــال

وزي ما قالت ام كلثوم

الجوع لا منه استقعد وش يفكك منه يا وليدي

فعادة الواحــد اذا طلعت الشمس .. تطقه نفاضت الجــوع

ويدلي يقحرص في براطمه وظروسه كود يلقى باقي العشــاء

ولذلك حرصـا مني ومن نفسي

على راحـة الشعـب

حبيـت اشرح لكم واوصف لكم

طبـخه صغيره وش حليلها .. وخياليه في طعمـها

الظاهر انكم قد سمعتـوا

بالشكشوكـه

وما أدراك وش الشكشوكه

شي خيالي

وسهل التحضيـر

وش راينكم نبدأ خطوة بخطوة

مـع الصـور

في البداية نبي كم غـرض من المطبـخ

[ سكين وقطاعه و طماطتين وبصلـه وحـده ]

نأقطع البصل والطمام حتت حتت

وأنتبهوا لاصابعـكم

لا اتوهق بكـم

نروح ونجيب ثلاث بيضات

[ على حسب الجوع واللي معـك ]

بدري عليـكم المنظر أدري

بعيديـن نجيب المقلاة

ونحط عليـها شوي زيت مهوب واجـد

وبعديــن نخلي الزيت شوي لين يسخن

بعدين نحط عليه الطمام والبصل اللي مقطعينه اول شي

اذا حمسنا البصل والطمام وحسينا ان اللون صار احمر كله

وتحس انها صارت مــرقه

فقش البيـض وحـطه

وبيطلع معـك زي كذا

بعد كــذا

حـط المــلح وقلبه شوي لين تحس انه استـوى

بعدين قدمــه لك ولـ ضيووفك كان عندك احــد

إن شاء الله عجبكم طبخــي

عآد وش رايـكم مهوب يا ملحي .. رب منزل نااجح

[ .. الصـور مصـورة في كشتـه انا وربعـي .. ]

عـلى الله يعجبـكم البــلوق

وانتظـروني دائمــا

بعيـد المنـال

05:10 | Ajouter au blog

Commentaires (18)

Pour ajouter un commentaire, connectez-vous avec votre identifiant Windows Live ID (si vous utilisez Messenger ou Xbox LIVE, vous avez un identifiant Windows Live ID). Connectez-vous

Vous n'avez pas d'identifiant Windows Live ID ? Inscrivez-vous

	B3eeda écrit : رعـ،ش،ـة خـ،ف،ـوق افـا .. لا وبعدين يسجلون قضية انتحاار واتوهق .. وش بتقول بنت الجيران عني :$ الله يبارك في عمررك ولا هنتي على المروور 11 Juil.
	B3eeda écrit : Mashail دنـا كويس اوي قدن خالص << :) ( وجه يقول يالله لك الحمد ) خخ اييه العرق ينبض على الطبخ :) وحيااتس خيتو وتسلمين على المروور ولا هنتِ 11 Juil.
	B3eeda écrit : الاحلى وجوودك يطولي عمـرك يا ربي وانتم ما تدخلون الا جوعانين :P الله يعافيك وشاكر لك مروورك 11 Juil.
	B3eeda écrit : اهلن فسلهن خيتـو ريـم يالله اطعلي الحين كوود تشويتس الشمس الله يعافيك واسعدني مرورك 11 Juil.
	B3eeda écrit : ميــن !! يا حبيلك .. اهلن اهلن الله يالشتاء بس يخليك ربي على المرور 11 Juil.
	B3eeda écrit : ´¨`۞CHANDENY۞´¨` الله يخليـك على الاطراء اللي احرجن :) وابشري باللي يسرك 11 Juil.
	B3eeda écrit : اولا يا مهاوي انا منيب صعب [ بعيـد ] الله يخليك حتى امي تقوله :p شفتي القطااعه ترى ناادره جدن جدن ولازم نعلمكم بالصور ويالله تفهموون حياتس الله نرووتي 11 Juil.
	Angela écrit : بعيد شف لي حل ولا ابنتحر ماتطلع معاي الصور بس انا واثقه انه نزززنن ومرتن ثانيه ارفع لي ولا جيت وحست عليكم ابو الدنيـا ----- ومبروووك ع التحديثـات في انتظـار جديدك لا عدمناك رعـ،ش،ـة خـ،ف،ـوق 5 Juil.
	Mashaila écrit : هلااااااااااع ازيك بعيد ههههههههههههههههههههههههههههههههه ( وجه فاطس من الضحك ) صراااحة انت ومتعب خوووش شلة كلكم تحبون الطبخ احسكم اذا تجمعتوا تقعدون تعطون بعض طبخات ههههههههههههههههه امزح (^^,) اصمع ترا ما طلعت ولا صوره في سبيسك بس اللي طلع صورة الكيكه وحليمة بولند و الجنادريه وبلوق حليمة بولند اقولك عليه اعقل ياهووووووه حركات مراهقين ذي (^^,) لوووووووووول وصبيصك حلوووو مرا ومرررررررررتب خخخخخخخخخخ ولا تنسى تزور سبيسي خيووو www.spaces.msn.com/k3boool << دليلي للسبيسات www.spaces.msn.com/misho0o1 << سبيسي الجميل (^^,) بايوو 5 Juil.
	نـــــــــدى a écrit : سبيسك حلوووووووو حيل والبلووووووووق احلى واحلى الصراحه جوووووعتني هههههههههههههههههههههه يعطيك العافيه اخوي والف شكر على زيارتك لمساحتي تحياتي 2 Juil.
	reema écrit : اهلن يافتى الله يخس بليسك شهويتني على طلعة البر من صور شكشوكتك <<<<<<< ماجابت خبر الشكشوكه خخخخخخخخ ثانيا تصويرك خطير بقوه ثالثا الثيم حق السبيس جدن جميل ومرتب يعطيك العافيه ورده بيضاء هنا ريم 26 Juin
	Ya-7beelka écrit : *<==== خقت على صور البيض اللي بالرمل :))* *وه بس ياطلعات البر وشزينهاااااا* يؤ *نسيت* *<====== طق طق طق <==== جت على ريحة الاكل* *صباح الخير* *ماشالله وشذا الزين .. وربي ياني جوعانه* *وكل شي يصير له طعم بالبر لو تشرب ماء تحس انه شي :))* *سبيس ذوووووق ورررررررايق خيو* *يعطيك الف عافيه* *وبانتظار الأجمل القادم* *تحياتي* *ياحبيلك* v v v v *مرت من هنا :)* 26 Juin
	Sh❀th❀ ❦a écrit : يااااااااااااااااااااااااااااااااااااااااااااااااااه يابعيد,ذكرتني بشكشوكة الوالد الله يرحمه,محد يسويها زيه,وفي خاطري من مدة بشكشوكة بس عارفة ان مافيه اي شكشوكة من جد تشبعني,زي اللي يسويها الوالد ماعلينا,من جد سبيسك مرتتتتتتتتتتتتتتب,وحليو اتمنى اخوي تزور سبيسي ابي اسمع رايك في موضوع مرررررررررررررة مهم وضروري استنى اقرا رايك 25 Juin
	ღ مهـــــــــا ღ a écrit : السلام عليكم . . . أهلين أخوي صعب آمممممم دخلت والله سبيسك بالصدفه من سبيس متعب .. صرراحتن.. سبيسسسك مررررررره مرررتب ومنسسسسسسسق .. العاده ادخل سبيسات اولاد لازززم التررقيييييع اما سبيسك لااله الا الله مرره مررتب ومنسق بالتوووفيق يااارب وفي تقدم مستمر ان شاء الله .. ماشاء بكليه الآداب .. أي قسم <<وش تبيييييييييييييين ياربيييييييييييه ياذااا الشكووشكه كل العيال يحبوونها .. اخووي محوومن تسبدي منهااا منتب سهل والطرريقه بالصوور أحلى شي القطااعه لونها شــي .. تدري صوورتك بالبررر ذكرررتني بعيد الأضحى اذا جييينا نخيييييييم وبالصبببببح يسوون بيضض ياااااه ذكررريااااااااااااااات يله ماأطول عليك .. فرصة سعيده ... خلنا نشووفك عااااد ... تيك كير .. . . . ღღღمهـــّ ـــاووي ღღღ 21 Juin
	B3eeda écrit : ĻÕνĻÿ ģ!яĻ هلا والله وش تكشتين معنـا لا ما تقرين فوق وش مكتوب .. يمنع اصطحاب العواانس [ وجه مطلع لسانه ] خخ يخليك ربي على الطله وما ننحرمشِ 20 Juin
	B3eeda écrit : ريــااح ماذا دهاك ياهذا .. يخليك ربي على المرور مرور ولا شرطه << برااااااااااا وبعدين من زين حلايا خشتك آخذك معـي مع انك زويين .. بس يالله ما كتب لك ربي انك تعجبني << يا ربي يامال الثانكيو يا رياح على الطله 20 Juin
	jamrat '3adaha écrit : يسلمووووووووووو على المرور ابي اكشت معكم ممكن؟ هههههههههههههههههههههههههههههه 19 Juin
	i'm hemo ..a écrit : يئنبووني ويأسروني ويسهرنـي ويجوعنـي على هالبلوق الرايق عاد تدري اسمعك تقول بحط وبسوي بس شف القهر ماعزمتني يا قليل الحيـا الله يرحم ذيك الايـام يوم اني اتقاسم معك الخبز فته فته تاخذ الظهر وانا البطن مااش كل ذا عشان شكشوكه الله يرحم حالك خلني بس اجيب الفول وهنك تاكل منه عالعموم يا الشيـف ترفق ترى محدن درى عنك <- أبوك التحطيييييييم :p انا قايل ان رمزي مايصف جنبه وراكم ماتسمعونن ياعيني يتعبوون يا المقدمــه .. لا لا عز الله قمت قومه من هالشكشوكه يله وننتظر منك بلوق جديد يا فتـى . . ريـــاح 19 Juin

Rétroliens

L'URL de rétrolien de ce billet est :

http://alghreeb.spaces.live.com/blog/cns!DF05A128AADF6535!378.trak

Blogs Web qui font référence à ce billet

Aucune